Yasamal rayonunda elektrik enerjisi verilişindəki fasilə dispetçer sistemində yenidənqurma işləri ilə bağlı olub
Bakı, 7 oktyabr, AZƏRTAC
Bu gün saat 12:20-də Bakının Yasamal rayonu ərazisində elektrik enerjisinin verilişində üç dəqiqəlik qısa fasilə yaranıb və 12:23-də enerji verilişi bərpa edilib. Yaranmış fasilə SCADA dispetçer sistemində aparılan yenidənqurma əməliyyatı ilə bağlı olub.
“Azərenerji” Açıq Səhmdar Cəmiyyətinin İctimaiyyətlə əlaqələr və media mərkəzinin rəisi Teymur Abdullayev AZƏRTAC-a bildirib ki, narahatçılığa heç bir əsas yoxdur, enerji təminatı ən yüksək səviyyədədir. Baş vermiş kiçik fasiləyə görə “Azərenerji” və “Azərişıq” açıq səhmdar cəmiyyətləri abonetlərdən üzr istəyir.
Bölmənin digər xəbərləri
