YATAQDA 4 QUYU QAZILMIŞDIR
Azərbaycan Respublikasi Dövlət Neft Şirkətindən (ARDNŞ) AZƏRTAC-a bildirmişlər ki, “Əsrin müqaviləsi”ndən sonra bağlanmış bir sıra sazişlərin müvəffəqiyyətiə həyata keçirilməsi öz bəhrəsini yeni yataqların kəşfində də verir. Xarici neft şirkətləri ilə birlikdə aparılmış işlərin nəticəsində “Əşrəfi”, “Qarabağ”, “Naxçıvan”, “Ümid-Babək” və dünya əhəmiyyətli “Şahdəniz” qaz-kondensat yataqları aşkar edilmişdir.
“Şahdəniz”də aparılmış sınaq işləri və yeni qazılmış kəşfiyyat quyuları yataqda 1 trilyon kubmetr qaz və 200 milyon tondan çox neft ehtiyatı olduğunu deməyə imkan verir. Yatağın işlənilməsinin birinci mərhələsinə uyğun olaraq 1 özülün quraşdırılması və 12 quyunun qazılması planlaşdırılır. Bu quyulardan dördü artıq qazılmışdır.
Bölmənin digər xəbərləri
