Yaz əkin kampaniyası ilə bağlı müşavirə keçirilmişdir
Bakı, 18 mart (AZƏRTAC). Ekologiya və Təbii Sərvətlər Nazirliyində (ETSN) yaz mövsümü ilə əlaqədər keçirilən müşavirədə şəhərətrafı ərazilərdə meşə zolaqlarının salınması ilə bağlı qarşıda duran vəzifələr müəyyənləşdirilmişdir.
ETSN-dən AZƏRTAC-a verilən məlumata görə, 2011-ci ilin yanvar ayından etibarən respublikanın regionlarında 393,5 hektarda yeni meşə sahələri salınmış, 1405 hektar sahəyə isə xidmət göstərilmiş, 1835 hektar sahədə suvarma işləri aparılmış, eyni zamanda 8322 kiloqram toxum tədarük edilmişdir. Bakı və Bakıətrafı ərazilərdə isə 74,4 hektar sahədə 108 min dekorativ ağac və kol əkilmişdir.
Bildirilmişdir ki, bütün bölgələrdə 800 mindən çox müxtəlif cinsli ağac və kol əkilmişdir. Müşavirədə yaz meşəsalma işlərinin aprelin 15-dək başa çatdırılacağı qeyd olunmuşdur.
Bölmənin digər xəbərləri
