Yeganə çətinlik ana nərə balıqlarının əldə olunmasındadır
Bakı, 23 may (AZƏRTAC). Xıllı nərə balıq artırma zavodu yaxşı işləyir. Yeganə çətinlik ana nərə balıqlarının əldə olunmasındadır.
AZƏRTAC xəbər verir ki, bu sözləri ekologiya və təbii sərvətlər naziri Hüseynqulu Bağırov mayın 23-də jurnalistlərə müsahibəsində bildirmişdir.
Nazir demişdir ki, biz moratoriuma birtərəfli qaydada əməl edirik. Əvvəlki illərdə lisenziya alan təşkilatlar könüllü öhdəlik götürürdülər ki, Xəzər dənizində balıq resursları azalmasın. Onlar həmin zavodu ana balıqlarla təmin etməyə kömək edirdilər. İndi onlar lisenziya almadıqları üçün çətinlik yaranmışdır.
Nazir, həmçinin əsas brakonyerlik faktlarının Azərbaycanın ərazi sularından kənarda qeydə alındığını bildirmişdir.
Bölmənin digər xəbərləri
