YENİ TAXIL SORTLARININ DÖVLƏT SINAĞI BAŞA ÇATMIŞDIR
İnstitutdan AZƏRTAC-a bildirmişlər ki, “Əzəmətli-95” yumşaq buğda sortu hər hektardan 61,4 sentner məhsul verir, şaxtaya davamlıdır və “yatmır”, onun unundan yüksək keyfiyyətli çörək məmulatı alınır. Kürkənarı suvarılan ovalıq torpaqlarda, Lənkəran, Şəki, Zaqatala və Naxçıvan bölgələrində əkilməsi məsləhət görülür.
“Nurlu-99” buğda sortunun sınağı da müsbət nəticələnmişdir. Quraqlığa və şaxtaya davamlı bu sort hər hektardan 51 sentner dən verir. 2005-ci ildən hər iki buğda sortunu respublikamızda geniş ərazilərdə əkmək nəzərdə tutulur. Mütəxəssislərin fikrincə, həmin sortlardan istifadə etməklə respublikamızda əkin sahələrini genişləndirmədən taxıl istehsalını xeyli artırmaq, ölkəmizin ərzaq taxılına tələbatını tam ödəmək mümkündür. İndi başlıca vəzifə Azərbaycanda yeni məhsuldar buğda sortlarının toxumçuluğunu təşkil etməkdən ibarətdir.
Bölmənin digər xəbərləri
