Yepiskop: Dövlətin gələcək inkişafı üçün dini liderlər konstruktiv dialoqu dəstəkləməlidirlər
Bakı, 25 dekabr, AZƏRTAC
Bu gün Bakıda keçirilmiş Azərbaycan Din Xadimlərinin II Forumu çoxmillətli və çoxkonfessiyalı cəmiyyətimiz regionumuz üçün ənənəvi olan dinlərə - islam, xristianlıq və iudaizmə söykəndiyini göstərən mühüm göstəricidir.
Bu barədə forum çərçivəsində Bakı və Azərbaycan yepiskopu Aleksiy AZƏRTAC-a müsahibəsində bildirib.
Onun sözlərinə görə, bu dinlərə etiqad edən xalqlar əsrlər boyu bu torpaqlarda sülh və qarşılıqlı anlaşma şəraitində yaşayıblar: “Layiqli cəmiyyətin davamlı formalaşmasının və dövlətin gələcək inkişafının təmin olunması üçün dini liderlər konstruktiv dialoqu dəstəkləməlidirlər. Bu kimi tədbirlər Azərbaycanda multikulturalizm və tolerantlıq siyasətinin parlaq təcəssümüdür. Ümidvaram ki, bu konfrans layiqli nəticələr verəcək və biz ölkəmizin rifahı naminə yaradıcı fəaliyyətimizi davam etdirəcəyik”.
Bölmənin digər xəbərləri
