YEVPATORİYA: ŞƏRQ NAĞILLARI GERÇƏKLƏŞİR
Yevpatoriya İcraiyyə Komitəsinin mətbuat xidmətindən bildirmişlər ki, orta əsrlərdə Gözlövün (Yevpatoriyanın əvvəlki adıdır) beş qapısından ən böyüyü olan Odun bazarı qapısı qədim şəhərin ticarət-sənətkarlıq hissəsinə açılırdı. Alaqapıların eni 12 metr, uzunluğu 13,5 metr, hündürlüyü isə təxminən 20 metr olmuşdur. 1959-cu ildə Odun bazarı qapısı avtomobil nəqliyyatına mane olması bəhanəsi ilə sökülmüşdür. Qədim qapı 3 il əvvəl təməli üzərində, əldə olan şəkillər və təsvirlər əsasında bərpa edilmişdir.
“Gözlöv qapısı-Şərq bazarı” dekorativ və təsviri sənət əsərlərinin sərgisi ilə açılacaqdır. Krım tatarları və türk mədəniyyəti festivalı çərçivəsində milli güləş yarışı, Şərq rəqsləri və “Şərq bazarı” mahnı müsabiqələri keçiriləcəkdir. Avqustun 28-də Xatirə bağında deportasiya qurbanlarının abidəsi önünə güllər qoyulacaq, “Şərq bazarı” müsabiqəsinə yekun vurulacaq, böyük konsert olacaqdır.
Festivalı Yevpatoriya Şəhər Şurasının İcraiyyə Komitəsi, Krım Mədəniyyət Nazirliyi və Krım Muxtar Respublikası Nazirlər Şurasının millətlərin və deportasiya olunmuş vətəndaşların işləri Komitəsi təşkil edirlər.
“Gözlöv qapısı-Şərq bazarı” festivalına Türkiyənin Yevpatoriya ilə qardaşlaşmış Silifke şəhərindən də qonaqlar gələcəklər.
Bölmənin digər xəbərləri
