YIĞMA FUTBOL KOMANDAMIZIN ÜZVLƏRİ MÜKAFATLANDIRILDILAR
Aprelin 13-də AFFA-nın iqamətgahında hər iki komanda üzvlərinin mükafatlandırılma mərasimi keçirilmişdir.
AFFA baş katibinin müavini Səyavuş İbrahimov hər iki yığma komandanın üzvlərini AFFA-nın prezidenti Ramiz Mirzəyevin adından təbrik edərək, futbolçulara uğurlu çıxışlarına görə təşəkkürünü bildirmişdir.
Daha sonra, Şahin Diniyevin rəhbərlik etdiyi əsas və Nazim Əliyevin məşqçi olduğu 21 yaşlılardan ibarət yığma komandaların hər bir futbolçusuna, habelə məşqçilərə, həkimlərə, texniki heyətə, pul mükafatı təqdim olnmuşdur.
Futbolçulara daim diqqət və qayğı göstərən AFFA rəhbərliyinə təşəkkürünü bildirən Nazim Əliyev azarkeşləri yeni qələbələrlə sevindirəcəklərinə söz vermişdir.
Xatırladaq ki, Türkiyənin 21 yaşlılar və əsas yığma komandaları ilə görüşlərdə gənclər yığmamız 1:0 hesabı ilə qələbə qazanmış, əsas milli komandamızın 2002-ci il dünya çempionatının bürünc mükafatçısı ilə görüşü isə 1:1 hesabı ilə başa çatmışdır.
Bölmənin digər xəbərləri
