YOL-NƏQLİYYAT QƏZALARI ÖLÜMLƏ NƏTİCƏLƏNMİŞDİR

23.09.2006 [15:32]
Çap et
A⁺ A^-

AZƏRTAC xəbər verir ki, sentyabrın 23-nə keçən gecə Nərimanov rayonu ərazisində Novruz Eyyubovun idarə etdiyi “İveko” və Şəmkir rayon sakini Cəlal Məhərrəmovun sürdüyü “VAZ-21063” markalı avtomaşınlar toqquşmuşdur. Nəticədə, ikinci nəqliyyat vasitəsində olan sərnişinlər Aybəniz Məhərrəmova və qızı Nailə hadisə yerində ölmüş, iki sərnişin isə xəstəxanaya yerləşdirilmişdir.

Xətai rayonu ərazisində Maşallah Qafarov idarə etdiyi “Mersedes-180” markalı avtomaşınla Bakı sakini Qəhrəman Orucovu vurmuşdur. Xəstəxanaya yerləşdirilmiş Q.Orucov orada ölmüşdür.

Qaradağ rayonu ərazisində Sakit Əhmədovun idarə etdiyi “KamAZ-5511” markalı avtomaşının aşması sürücünün ölümünə səbəb olmuşdur.

Hər üç faktla bağlı cinayət işi açılmışdır, araşdırma aparılır.