“Yuventus” klubu ciddi itkilərlə üzləşib
Bakı, 2 aprel, AZƏRTAC
İtaliyanın “Yuventus” futbol klubunun heyətində ciddi itkilər var.
AZƏRTAC xarici KİV-lərə istinadla xəbər verir ki, Turin təmsilçisi İtaliya çempionatının XXX turunda “Kalyari” ilə qarşılaşma öncəsi ciddi itkilərlə üzləşib. Belə ki, “Yuventus”un 9 futbolçusu yaşıl meydanlardan kənarda qalacaq. Klubun ehtiyat qapıçısı Mattia Perin, müdafiə xəttində Andrea Barzayli, Leonardo Spinazzola, yarımmüdafiəçilər Sami Xedira, Duqlas Kosta, Xuan Kuadrado, hücumçu Mario Mandzukiç, Paulo Dibala və Kriştiano Ronaldo zədə səbəbindən bu görüşdə meydana çıxa bilməyəcəklər.
Qeyd edək ki, “Yuventus” klubu 29 turdan sonra 78 xalla turnir cədvəlində birinci pillədə qərarlaşıb. Onun ən yaxın izləyicisi “Napoli” 63 xalla ikincidir.
Bölmənin digər xəbərləri
