“ZAMAN-AZƏRBAYCAN” QƏZETİ TÜRKİYƏ İLƏ AZƏRBAYCAN ARASINDA DOSTLUQ KÖRPÜSÜDÜR
AZƏRTAC xəbər verir ki, “Zaman-Azərbaycan” qəzetinin nəşrə başlamasının 15 ili tamam olur. Bu münasibətlə nəfis tərtibatlı, rəngli fotoşəkilli “Zaman-Azərbaycan”: Müstəqil Azərbaycanın yaşıdı” kitabı işıq üzü görmüşdür. Ümummilli liderimiz Heydər Əliyevin, dövlətimizin başçısı İlham Əliyevin qəzetin yaradıcı kollektivi ilə görüşlərini, ölkəmizin tanınmış elm, incəsənət xadimlərinin, dövlət rəsmilərinin ürək sözlərini, təbriklərini, qəzetin keçdiyi inkişaf yolunu əks etdirən bu kitab həqiqətən də Azərbaycanla Türkiyə arasında əsil dostluq, qardaşlıq körpüsünə çevrilmiş “Zaman-Azərbaycan” qəzeti haqqında oxucuda dolğun təəssürat yaradır.
Qeyd edək ki, mayın 26-da Müslüm Maqomayev adına Azərbaycan Dövlət Filarmoniyasında qəzetin Azərbaycanda nəşrə başlamasının 15 illiyinə və kitabın təqdimatına həsr edilmiş mərasim keçiriləcəkdir.
Bölmənin digər xəbərləri
