Zaqatalalı fermerlər cari mövsümdə 31 min tondan çox qarğıdalı istehsal etmişlər
Zaqatala, 7 noyabr (AZƏRTAC). Zaqatala rayonunun təsərrüfatlarında qarğıdalı yığımı müvəffəqiyyətlə başa çatmışdır. Builki mövsümdə zaqatalalı fermerlər 5 min 902 hektar qarğıdalı sahəsindən 31 min 743 ton məhsul götürmüşlər. Hər hektardan orta hesabla 54 sentner dən qarğıdalı əldə edilmişdir.
Rayon icra hakimiyyətindən AZƏRTAC-a bildirmişlər ki, hazırda təsərrüfatlarda gələn ilin məhsulu üçün payızlıq taxıl səpini mütəşəkkil davam etdirilir. İndiyədək 8 min 600 hektara yaxın sahə şumlanmış, 5 min 262 hektar sahəyə toxum səpilmişdir.
Bu il rayonda 12 min hektar sahədə payızlıq taxıl səpini proqnozlaşdırılır.
Bölmənin digər xəbərləri
