SİYASƏT
Zeynəb Axundova: Zəfər seçkisində müşahidəçi kimi iştirak etdiyim üçün çox xoşbəxtəm
![Zeynəb Axundova: Zəfər seçkisində müşahidəçi kimi iştirak etdiyim üçün çox xoşbəxtəm](/files/2024/1/1200x630/17073186865117658672_1200x630.jpg)
Bakı, 7 fevral, AZƏRTAC
Builki seçkilər Azərbaycanın ərazi bütövlüyünün bərpasından sonra keçirildiyindən xalqımız üçün çox böyük əhəmiyyət daşıyır. Bu Zəfər seçkisində müşahidəçi kimi iştirak etdiyim üçün çox xoşbəxtəm.
Bu sözləri 8 saylı Binəqədi seçki dairəsinin 29 saylı seçki məntəqəsində səsvermənin gedişini izləyən müşahidəçi Zeynəb Axundova AZƏRTAC-a açıqlamasında deyib.
Seçkilərin əsl ümumxalq bayramına çevrildiyini vurğulayan müşahidəçi bildirib: “Sevindirici haldır ki, insanlar səsvermədə böyük həvəslə iştirak edir, öz səslərini verirdilər. Səsvermə tam şəffaf şəraitdə keçdi və heç bir qayda pozuntusu müşahidə etmədik”.
Qeyd edək ki, prezident seçkiləri ilk dəfə olaraq Azərbaycanın bütün suveren ərazisində təşkil olunub. Seçkilərdə 7 namizəd mübarizə aparıb. Hazırda Azərbaycanda səsvermə hüququ olan vətəndaşların sayı 6 milyon 478 min 623 nəfərdir. Seçki prosesini 790 beynəlxalq müşahidəçi izləyib. Onlar 72 beynəlxalq təşkilatı və 89 ölkəni təmsil ediblər. Yerli müşahidəçilərin ümumi sayı isə 90 minə yaxın olub.