İDMAN


Futzal üzrə Azərbaycan millisi Avropa çempionatının dörddəbir final mərhələsinə vəsiqəni təmin edib VİDEO

Bakı, 2 fevral, AZƏRTAC

Futzal üzrə Azərbaycan millisi Sloveniyada təşkil edilən Avropa çempionatının final mərhələsinə qələbə ilə başlayıb.

AZƏRTAC xəbər verir ki, turnirin “D” qrupunda yer alan komandamız fevralın 2-də Lyublyanadakı “Stojice Arena”da Fransa millisi ilə qarşılaşıb.

İtaliyalı baş hakim Angelo Qalantenin idarə etdiyi oyunda millimiz 5:3 hesabı ilə qalib gəlib.

Yığmamızın heyətində Bolinya het-trik edib, Everton Kardoso və Eduardo Borqes isə hərəyə bir dəfə fərqləniblər.

Millimiz növbəti oyununu fevralın 4-də İspaniya millisinə qarşı keçirəcək.

Qeyd edək ki, qrupun ilk oyununda Fransa və İspaniya milliləri üz-üzə gəliblər və görüş 4:4 hesabı ilə başa çatıb. İspaniya ilə oyunun nəticısindən asılı olmayaraq millimiz Avropa çempionatının dörddəbir final mərhələsinə vəsiqəni təmin edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.