Avstraliyalı müşahidəçi: Azərbaycanda seçki şəffaflığı tam təmin olunub VİDEO
Bakı, 11 aprel, AZƏRTAC
Seçki prosesi qanun çərçivəsində keçirilirdi və biz heç bir neqativ hal müşahidə etmədik.
AZƏRTAC xəbər verir ki, bunu Avstraliya parlamentinin deputatı Kelli Kraiq Robert keçirdiyi mətbuat konfransında deyib. O qeyd edib ki, Azərbaycanda seçki prosesi, ilk növbədə, öz şəffaflığı ilə diqqəti çəkir. Avstraliyadan olan müşahidəçinin sözlərinə görə, o, bu təcrübəni ölkəsində tətbiq etmək üçün təşəbbüs irəli sürəcək.
“Azərbaycanda seçicilərin barmağının mürəkkəblə işarələnməsi və məntəqələrdə veb-kameraların quraşdırılması seçkinin şəffaflığından xəbər verir. Mən bu səfər zamanı Azərbaycanla bağlı bir çox yenilikləri öyrəndim”, - deyə Kelli Kraiq bildirib.
Bölmənin digər xəbərləri
