Ağsunun Kəndaxan kəndi yaxınlığında dağlıq ərazidə baş verən yanğının söndürülməsinə əlavə qüvvələr cəlb olunub VİDEO
Ağsu, 23 avqust, AZƏRTAC
Avqustun 22-də gündüz saatlarında Ağsu rayonu Kəndaxan kəndi yaxınlığında dağlıq ərazidə baş verən yanğın davam edir.
Fövqəladə Hallar Nazirliyinin Ağsu yanğından mühafizə hissəsindən AZƏRTAC-ın bölgə müxbirinə verilən məlumatda bildirilir ki, yanğın genişlənərək 35 hektar əraziyə yayılıb.
Hadisə yerinə qonşu rayonlardan da əlavə qüvvələr cəlb olunub. Hazırda 2 helikopter, Mülki müdafiə qoşunlarının 44 nəfərlik şəxsi heyəti, 20 nəfər meşə işçisi, habelə Ağsu, İsmayıllı, Şamaxı və Qobustan rayonlarından texnika və xeyli canlı qüvvə yanğının söndürülməsinə çalışır.
Bölmənin digər xəbərləri
