2007-Cİ İLDƏ AZƏRBAYCANIN HƏRBİ BÜDCƏSİ ERMƏNİSTANIN ÜMUMİ BÜDCƏSİNƏ BƏRABƏR OLACAQ

29.09.2006 [13:15]
Çap et
A⁺ A^-

AZƏRTAC xəbər verir ki, Azərbaycan Prezidenti İlham Əliyev Almaniyada Karl Bertelsmann Fondunun binasında “Demokratiya çağırışı” mövzusunda keçirilən müzakirələrdə bəyan etmişdir ki, hazırda beynəlxalq ictimaiyyətin iştirakına ehtiyac duyulan yeganə məsələ Ermənistan-Azərbaycan, Dağlıq Qarabağ münaqişəsinin aradan qaldırılmasıdır. Əgər beynəlxalq ictimaiyyət münaqişənin həllində mühüm rol oynamasa, hadisələr gözlənilməz istiqamətdə cərəyan edəcəkdir. Ermənistanla Azərbaycan arasında olan qüvvələr tarazlığı artıq mövcud deyildir.

Hərbi büdcənin artırılmasının Azərbaycanın suveren hüququ olduğunu vurğulayan dövlət başçısı demişdir ki, bizim büdcəmiz ümumi həcmlə artır. Son üç il ərzində Azərbaycanın büdcəsi 4 dəfə artmışdır və təbii ki, hərbi xərclərimiz də artır. Gələn il bizim hərbi büdcəmiz Ermənistanın bütün büdcəsinə bərabər olacaqdır. Belə olan halda, Ermənistanın sülh prosesini pozması ilə barışmaq çətin olacaqdır. Ermənistan bu gün razılığa gəlməlidir. Çünki hazırda biz danışıqlar masası arxasında ən münasib təklifi irəli sürmüşük. Azərbaycanın imkanları genişləndikcə, bizim mövqeyimiz də sərtləşəcəkdir.

2007-Cİ İLDƏ AZƏRBAYCANIN HƏRBİ BÜDCƏSİ ERMƏNİSTANIN ÜMUMİ BÜDCƏSİNƏ BƏRABƏR OLACAQ

MÜƏLLİFLƏ ƏLAQƏ

Bölmənin digər xəbərləri