BSU rektoru: Süni intellekt təhsil sahəsinə də təsir göstərir VİDEO
Bakı, 7 may, AZƏRTAC
Süni intellekt artıq həyatımızın ayrılmaz hissəsinə çevrilir. Prezident İlham Əliyevin 2025-ci il 19 mart tarixli Sərəncamı ilə təsdiq edilmiş “Azərbaycan Respublikasının 2025–2028-ci illər üçün süni intellekt Strategiyası” bütün sahələrdə olduğu kimi, təhsil sektoruna da əhəmiyyətli təsir göstərməkdədir.
AZƏRTAC xəbər verir ki, bu fikirləri jurnalistlərə açıqlamasında Bakı Slavyan Universitetinin rektoru Anar Nağıyev səsləndirib.
“Biz təhsildə süni intellektin imkanlarını həm pedaqoji, həm də humanitar elmlərdə müşahidə edirik. Şübhəsiz ki, bu strategiyanın nəticələri Bakı Slavyan Universitetində həyata keçirilən işlərə də müsbət təsir göstərəcək”, – deyə rektor bildirib.
Bölmənin digər xəbərləri
