AKADEMİK MEHDİ MEHDİZADƏNİN 100 İLLİYİNƏ HƏSR OLUNMUŞ ELMİ-PRAKTİK KONFRANS

02.12.2003 [22:36]
Çap et
A⁺ A^-

Azərbaycan Müəllimlər İnstitutunda görkəmli alim və pedaqoq, bacarıqlı maarifçi, təhsil təşkilatçısı akademik Mehdi Mehdizadənin 100 illik yubileyinə həsr olunmuş elmi-praktik konfrans keçirilmişdir.

İnstitutdan AZƏRTAC-a bildirmişlər ki, bu təhsil ocağının rektoru, professor Məmmədhənifə Musayev alimin geniş elmi-pedaqoji fəaliyyətindən danışmış, məktəb təhsilinin tədqiqatındakı xidmətlərini yüksək qiymətləndirmişdir.

Sonra akademik Hüseyn Əhmədovun “Böyük alim və pedaqoq” mövzusunda məruzəsi dinlənilmişdir.

Məruzəçi və çıxış edən təhsil nazirinin müavini İsgəndər İsgəndərov, professor Əjdər Ağayev və başqaları akademik Mehdi Mehdizadənin keçdiyi mənalı ömür yolundan, elm və təhsilə verdiyi dəyərli töhfələrdən söhbət açmış, onun uzun illər ölkəmizin təhsil sisteminə səriştəli rəhbərlik etdiyini, bacarıqlı bir alim və pedaqoq kimi həm də respublikamızdan kənarda tanındığını diqqətə çatdırmış, xatirələrini söyləmişlər.

Sonra təhsil sahəsində fərqlənən bir qrup müəllimə Mehdi Mehdizadə diplomları təqdim olunmuşdur.