İDMAN


İndoneziya “MotoGP” yarışına ev sahibliyi edəcək

Bakı, 24 fevral, AZƏRTAC

2021-ci ildə “MotoGP” dünya çempionatı İndoneziyada keçiriləcək.

AZƏRTAC xarici KİV-lərə istinadla xəbər verir ki, ölkənin ən çox turist qəbul edən bölgələrindən biri olan Lombok adası motosiklet dünyasının ən əhəmiyyətli yarışı - “MotoGP” dünya çempionatının 2021-ci il mövsümünə ev sahibliyi edəcək.

İndoneziya Turizm İnkişaf Agentliyi (İTDC) və “MotoGP” təşkilatçısı “Dorna Sports” 2021-2023-cü illərdə “MotoGP” yarışlarının İndoneziyada keçirilməsi barədə müqavilə imzalayıblar.

İTDC-nin direktoru Abdulbar M. Mansur mətbuata açıqlamasında bildirib ki, yarışın hazırlıqları sentyabr ayında başlayacaq. Çempionatadək 150 min tamaşaçı tutumuna malik arena istifadəyə veriləcək. O qeyd edib ki, 4320 metr uzunluğundakı yarış trası 18 döngədən ibarət olacaq.

Qeyd edək ki, sonuncu dəfə İndoneziyada “MotoGP” yarışları 1996 və 1997-ci illərdə Javanese adasının Boqor bölgəsində keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.