MƏDƏNİYYƏT


Mədəniyyət naziri şəhid mədəniyyət işçilərinin ailə üzvləri ilə görüşüb

Bakı, 22 oktyabr, AZƏRTAC

Oktyabrın 21-də Beynəlxalq Muğam Mərkəzində mədəniyyət naziri Anar Kərimov şəhid mədəniyyət işçilərinin ailə üzvləri ilə görüşüb.

AZƏRTAC xəbər verir ki, əvvəlcə nazirliyin şöbə müdiri Məryəm Qafarzadə şəhid mədəniyyət işçilərinə həsr olunmuş “Səhnədən səngərə” layihəsinin əhəmiyyətindən bəhs edib. Həmçinin 44 günlük Vətən müharibəsində şəhidlik zirvəsinə ucalmış mədəniyyət işçilərinin həyat və fəaliyyətindən bəhs edən videoçarxlar nümayiş olunub.

Nazir Anar Kərimov şəhid ailələri və qazilərin daim dövlətimizin diqqət mərkəzində olduqlarını, nazirlik tərəfindən bu istiqamətdə mühüm layihələrin həyata keçirildiyini bildirib.

Nazir şəhid valideynlərinə müraciət edərək deyib: “Bu görüş bizim üçün həm də ona görə dəyərlidir ki, siz bizə şəhidlərimizin əmanətisiniz. Ən ali, müqəddəs duyğuları onlara məhz siz aşılamısınız, qəlblərinə mərdlik, sevgi toxumları səpmisiniz”.

Tədbir şəhidlərin doğmalarına Fəxri Diplomların təqdim olunması və nazir Anar Kərimovun onlarla masa ərafında səmimi söhbəti ilə davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.