SİYASƏT
ÜMUMÇİN HƏMKARLAR İTTİFAQLARI FEDERASİYASININ NÜMAYƏNDƏ HEYƏTİ BAKIYA GƏLƏCƏKDİR
Azərbaycan Həmkarlar İttifaqları Konfederasiyasının (AHİK) dəvəti ilə 2003-cü il sentyabrın 14-dən 17-dək Ümumçin Həmkarlar İttifaqları Federasiyası sədrinin müavini Xu Xiçenqin rəhbərliyi ilə nümayəndə heyəti respublikamızda səfərdə olacaqdır.
AHİK-in təşkilat işləri və məlumat şöbəsindən AZƏRTAC-a bildirmişlər ki, səfər zamanı çinli qonaqların Azərbaycan Həmkarlar İttifaqları Konfederasiyasının və sahə həmkarlar ittifaqları respublika komitələrinin rəhbərləri ilə görüşləri nəzərdə tutulmuşdur. Görüşlərdə Ümumçin Həmkarlar İttifaqları Federasiyası ilə Azərbaycan Həmkarlar İttifaqları Konfederasiyası arasında yaranmış dostluq əlaqələrinin daha da inkişaf etdirilməsi yolları müzakirə olunacaqdır.