"AQROLİZİNQ" ASC-NİN BİLƏSUVAR FİLİALI FƏALİYYƏTİNİ GENİŞLƏNDİRİR
Biləsuvar, 21 avqust (AZƏRTAC). "Aqrolizinq" Açıq Səhmdar Cəmiyyətinin Biləsuvar rayon filialının maddi-texniki imkanları genişlənmişdir. Müəssisə indiyədək 10 taxılbiçən kombayn, 14 şum traktoru, 37 növ digər kənd təsərrüfatı maşın və aqreqatı, 2.500 ton azot və fosfor gübrəsi alaraq mülkiyyətçilərin istifadəsinə vermişdir. Filialın müqavilə əsasında xidmət göstərdiyi sahibkarların sayı 1000-i ötmüşdür. Rayonun Əsgərabad və Yuxarı Cürəli kəndlərində filialın mexanikləşdirilmiş dəstələri yaradılmış və bu bölmələrə 4 şum traktoru, 10 növ digər kənd təsərrüfatı aqreqatı verilmişdir.
Bölmənin digər xəbərləri
