"Gürcü Arzusu-Demokratik" partiyasının fəxri sədrinə qarşı sui-qəsd hazırlanıb
Tbilisi, 24 iyul, AZƏRTAC
"Gürcü Arzusu-Demokratik" partiyasının fəxri sədrinə qarşı sui-qəsd hazırlanıb.
AZƏRTAC xəbər verir ki, bununla əlaqədar Gürcüstan Dövlət Təhlükəsizliyi Xidməti (DTX) bəyanat yayıb.
Bəyanatda deyilir ki, Gürcüstan DTX terror aktı hazırlamaq və hökuməti devirmək üçün sui-qəsd hazırlamaq işini araşdırır.
Bildirilir ki, Dövlət Təhlükəsizlik Xidməti Gürcüstanda cinayət əməllərinin hazırlanması, o cümlədən Gürcüstanın keçmiş məmurları, Ukraynanın keçmiş hüquq-mühafizə orqanlarının əməkdaşları tərəfindən təşkil edilmiş və maliyyələşdirilən “Gürcü Arzusu-Demokratik” partiyasının fəxri sədri Bidzina İvanişvilinin qətlinin hazırlanması faktlarını araşdırır.
“Bu cinayət əməllərinin məqsədi ölkədə iğtişaşlar və hakimiyyətin zəifləməsi fonunda dövlət hakimiyyətinin dağıdıcı qüvvələr tərəfindən zorla devrilməsidir”, - deyə bəyanatda vurğulanır.
AZƏRTAC-ın xüsusi müxbiri
Tbilisi
Bölmənin digər xəbərləri
