"Sumqayıt" futbol klubu Özbəkistanın “Nasaf” klubu ilə qarşılaşıb
Sumqayıt, 17 yanvar, AZƏRTAC
Türkiyənin Antalya şəhərində təlim-məşq toplanışını davam etdirən “Sumqayıt” futbol klubu növbəti yoxlama oyununu keçirib. Komanda Özbəkistan klubu “Nasaf”la qarşılaşıb.
“Sumqayıt” futbol klubunun mətbuat xidmətindən AZƏRTAC-a bildiriblər ki, qarşılaşma “Nasaf”ın üstünlüyü ilə başa çatıb - 0:1.
Qeyd edək ki, “Nasaf” son mövsüm ölkə çempionatını 3-cü pillədə başa vurub.
Xatırladaq ki, “Sumqayıt” Antalyada son yoxlama oyununu yanvarın 19-da Qazaxıstan təmsilçisi “Atırau”ya qarşı keçirəcək.
Bölmənin digər xəbərləri
