AAYDA: Yol tikintisi və təmiri sahəsində görülən işlər uğurla davam edir
Bakı, 31 iyul, AZƏRTAC
Azərbaycan Avtomobil Yolları Dövlət Agentliyi (AAYDA) tərəfindən iyulun 25-dən 31-dək olan müddətdə yol tikintisi və təmiri sahəsində görülən işlər barədə məlumat açıqlanıb.
Agentliyin İctimaiyyətlə əlaqələr şöbəsindən AZƏRTAC-a bildirilib ki, həmin müddət ərzində İran sərhədinə doğru yeni yolun və sərhəddə körpünün tikintisi yekunlaşmaq üzrədir. Ağdam - Hindarx - Ağcabədi avtomobil yolu yenidən qurulur və işlər uğurla davam etdirilir.
Masallıda 51 min əhalinin istifadə etdiyi yolun yenidən qurulması davam edir. Zəngilan rayonunda Horadiz-Zəngilan avtomobil yolu əsaslı şəkildə təmir olunur.
Eyni zamanda, Heydər Əliyev prospektində yeni istiqamətverici lövhələr quraşdırılıb.
Bölmənin digər xəbərləri
