ABŞ-da meşə yanğınları: 3 mindən çox insan təxliyə edilib
Bakı, 23 aprel, AZƏRTAC
ABŞ-ın Nyu-Cersi ştatında meşə yanğınları səbəbindən 3 mindən çox insan təxliyə edilib.
AZƏRTAC xəbər verir ki, yerli hakimiyyət orqanlarının məlumatına görə, hazırda alovun sürətlə yayılması səbəbindən 1300-dən çox bina təhlükə altındadır. Meşə yanğını aprelin 22-də ştatın inzibati mərkəzi Trenton şəhərinin cənub-şərqində başlayıb və gün ərzində 34 kvadratkilometrdən çox əraziyə yayılıb. Yanğın nəqliyyatın işində xaosa səbəb olub, 25 mindən çox evin elektrik enerjisi kəsilib.
Xatırladaq ki, ötən ilin noyabrında yanğın Nyu-Cersi və Nyu-York ştatlarında böyük meşəlik əraziləri məhv edib.
Bölmənin digər xəbərləri
