ABŞ İRANIN TƏRƏFDAŞLARINA QARŞI QADAĞALAR TƏTBİQ EDİR
Sənəddə İranla nüvə texnologiyaları və silahlar sahəsində əməkdaşlığı davam etdirən şirkətlərin mənsub olduğu dövlətlərə qarşı qadağalar qoyulması nəzərdə tutulur.
Aktda konkret ölkələr göstərilmir, lakin, agentliyin qənaətincə, aydındır ki, bu qadağalar ilk növbədə Rusiya və Çinə şamil edilə bilər.
Xatırladaq ki, Rusiya və İran Buşehr atom elektrik stansiyasının tikintisi haqqında müqavilə imzalamışlar. Bundan başqa, İran Rusiyadan müasir silah alır. Çinə gəldikdə isə, ABŞ Pekini Tehrana qabaqcıl raket texnologiyaları satmaqda dəfələrlə təqsirləndirmişdir.
Senatda çoxluğun lideri, respublikaçı Bill Frist “İranda azadlığın dəstəklənməsi haqqında akt”ın imzalanmasını belə şərh etmişdir: “Bu sənədin qəbul edilməsi ilə əlaqədar ABŞ hökuməti İrana qarşı çoxşaxəli qadağaları Rusiyanın dəstəkləməsinə nail olmaq üçün bu ölkəyə təzyiq üçün bütün mövcud vasitələrə əl atmaqdan ötrü gözəl imkan qazanmışdır”.
Bölmənin digər xəbərləri
