“ABU”NUN DÖRD OYUNÇUSU “TOMİS”LƏ GÖRÜŞƏRƏFƏSİNDƏ ZƏDƏLƏNMİŞDİR

17.02.2006 [22:53]
Çap et
A⁺ A^-

AZƏRTAC xəbər verir ki, Azərbaycanın qadınlardan ibarət “ABU” klubu fevralın 18-i və 19-da qadın həndbol komandaları arasında “Challenge Cup” (Çağırış kuboku) turnirinin 1/8 fİnal mərhələsi çərçivəsində, Bakıda Rumıniyanın “Tomis” klubu ilə qarşılaşacaqdır.

Həndbol Federasiyasından verilən məlumata görə, məsul görüşlər ərəfəsində Azərbaycan çempionunun heyətində dörd əsas oyunçu - İnna Snejana, Səkinət Abbasova, Yekaterina Jijiaşvili və Anna Cəfərova zədələnmişlər.

Hazırda Rumıniya çempionatının XV turundan sonra 7-ci yerdə qərarlaşan “Tomis” klubu isə Bakıya tam heyətlə gələcəkdir.

Komandamızın baş məşqçisi Rəfiqə Şabanova, mövcud problemlərə baxmayaraq, yetirmələrinin qələbə qazanacağına inanır.