AFFA azarkeşi vurmağa cəhd edən futbolçunu cəzalandırıb
Bakı, 8 aprel, AZƏRTAC
AFFA İntizam Komitəsinin qərarları açıqlanıb.
AZƏRTAC xəbər verir ki, Misli Premyer Liqasının XXIX turunda qeydə alınan qayda pozuntularına hüquqi qiymət verilib.
“Səbail” – “Turan Tovuz” oyunu bitdikdən sonra qonaq komandanın futbolçusu Veysəl Rzayev azarkeşi vurmağa cəhd etdiyinə görə biri şərti olmaqla, 2 oyun cəzalandırılıb, klubu isə 2000 manat cərimələnib. Sınaq müddəti 3 ay təyin edilib.
“Sabah”la görüş bitdikdən sonra azarkeşlərinin pirotexniki vasitədən istifadə etməsi “Kəpəz”i 1500 manat ziyana salıb.
Bundan başqa, “Araz-Naxçıvan”la qarşılaşmada azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 3-cü dəfə təkrarlandığına görə “Sumqayıt” 1000 manat cərimə ödəyəcək.
Bölmənin digər xəbərləri
