AFFA-nın baş katibi Belarus Futbol Federasiyasının prezidenti ilə görüşüb
Bakı, 21 iyul, AZƏRTAC
AFFA-nın baş katibi Sərxan Hacıyev “Azersun Arena”da keçirilmiş “Dinamo” (Minsk) - “Jelezniçar” (Bosniya və Herseqovina) oyununu izləmək üçün ölkəmizdə səfərdə olan Belarus Futbol Federasiyasının prezidenti Nikolay Şerstnyovla görüşüb.
AZƏRTAC xəbər verir ki, görüşdə AFFA ilə Belarus Futbol Federasiyası arasında əməkdaşlıq barədə fikir mübadiləsi aparılıb.
N.Şerstnyov qonaqpərvərliyə və “Dinamo” (Minsk) - “Jelezniçar” oyununun yüksək səviyyədə təşkilinə görə minnətdarlığını bildirib.
Görüşdə Belarus Futbol Federasiyasının vitse-prezidenti Andrey Vasileviç, baş katibi Sergey Jardeçkiy də iştirak edib.
Bölmənin digər xəbərləri
