AFFA rəsmisi “Beşiktaş” klubunun oyununa təyinat alıb
Bakı, 28 sentyabr, AZƏRTAC
AFFA-nın Klubların Lisenziyalaşdırılması Departamentinin direktoru Elçin Məmmədov UEFA-dan yeni təyinat alıb.
AZƏRTAC milli assosiasiyanın rəsmi saytına istinadən xəbər verir ki, o, Konfrans Liqasının qrup mərhələsində Türkiyədə “Beşiktaş” və İsveçrənin “Luqano” komandası arasında keçiriləcək II tur oyununda UEFA Matç direktoru (UEFA Venue Director) qismində çalışacaq.
Qeyd edək ki, oktyabrın 5-də İstanbuldakı “Beşiktaş Park” stadionunda oynanılacaq qarşılaşma Bakı vaxtı ilə saat 20:45-də başlayacaq.
Bölmənin digər xəbərləri
