AFFA təkcə “Kəpəz”i cəzalandırıb
Bakı, 10 noyabr, AZƏRTAC
Bu gün AFFA-nın İntizam Komitəsinin iclası keçirilib.
AZƏRTAC xəbər verir ki, toplantıda Topaz Premyer Liqasının 12-ci turunun oyunlarında yaşanan proseslər müzakirə olunub.
Qırmızı vərəqənin qeydə alınmadığı turda yalnız bir klub cəzalandırılıb. AZAL klubu ilə görüşdə dörd futbolçusu sarı vərəqə alan “Kəpəz” min manat cərimə olunub.
“İnter”lə matçda 5 futbolçusu sarı vərəqə ilə cəzalanan “Qəbələ”ni də eyni aqibət gözləsə də, bu baş verməyib. Belə ki, oyun dünən baş tutduğundan komitə bu matçla bağlı qərarı növbəti yığıncağında verməyi məqsədəuyğun sayıb.
Bölmənin digər xəbərləri
