AĞABƏY MİRZƏYEV ŞOTOKAN KARATE ÜZRƏ DÜNYA ÇEMPİONUDUR
Bakı, 30 iyul (AZƏRTAC). Afinada SKİF versiyasında kadetlər, yuniorlar, gənclər və veteranlar arasında şotokan karate üzrə 10-cu dünya çempionatı başa çatmışdır. Yarışlarda federasiyanın prezidenti Yaşar Bəşirovun rəhbərliyi altında iştirak edən Azərbaycan yığma komandası 16 idmançı ilə təmsil olunmuşdur.
Kata üzrə yuniorların yarışlarında Ağabəy Mirzəyev ən yaxşı nəticə göstərərək qızıl medal qazanmışdır. Veteran idmançı Ələddin Əzizov (45-50 yaş) kumite üzrə gümüş medal qazanmışdır. Tural Balcanlı (kata) və Fəridə Abiyeva (kumite) yuniorlar arasında, Ayxan Mamayev isə (kumite) gənclər arasında bürünc medal qazanmışlar.
Bölmənin digər xəbərləri
