Ağakazım Rüstəmov: Azərbaycanda keçirilən turnirlərdə çıxış edərkən böyük məsuliyyət hiss edirik
Bakı, 8 mart, AZƏRTAC
Bakıda təşkil olunan kişi idman gimnastikası üzrə birinci "AGF Junior Trophy” beynəlxalq turniri bizim üçün bu ilin mayında Bakıda keçiriləcək Avropa çempionatına hazırlıq məqsədi daşıyır.
AZƏRTAC xəbər verir ki, bu sözləri azərbaycanlı gimnast Ağakazım Rüstəmov deyib.
Bildirib ki, bu turnir sayəsində təcrübə qazanırıq. Biz öz çıxışlarımızı təhlil edir, proqramımızı təkmilləşdiririk. Yarışa ciddi hazırlaşmışıq. Gün ərzində iki dəfə məşq edirdik. Avropa çempionatına daha ciddi səylə hazırlaşacağıq ki, daha yaxşı nəticələr göstərək və azarkeşləri sevindirək.
A.Rüstəmov Azərbaycanda keçirilən turnirlərdə çıxış edərkən böyük məsuliyyət hiss etdiklərini də vurğulayıb.
Bölmənin digər xəbərləri
