Ağstafa rayonunda ənənəvi şənbə iməciliyi

Ağstafa, 26 iyul (AZƏRTAC). Hər həftənin şənbə günləri olduğu kimi, iyulun 26-da da Ağstafa rayonunda təmizlik və səliqə-sahman işləri görülüb.

AZƏRTAC xəbər verir ki, iməcilikdə rayonun idarə, müəssisə və təşkilatlarının kollektivləri iştirak ediblər.

Ağstafa şəhərinin prospekt və küçələrində yaşıllıq sahələrinə xüsusi qulluq göstərilib, yol kənarları alaq otlarından təmizlənib.

Bundan əlavə, Bakı-Qazax avtomobil yolu və dəmiryolu xəttinin rayon ərazisindən keçən hissələri boyunca səliqə-sahman işləri həyata keçirilib.

İməcilik zamanı qəsəbə və kəndlərdə yollar və suvarma arxları da məişət tullantılarından təmizlənib.

MÜƏLLİFLƏ ƏLAQƏ