Ağstafada növbəti iməcilik keçirilmişdir
Ağstafa, 18 yanvar (AZƏRTAC). Ağstafada növbəti ümumrayon iməciliyi keçirilmişdir.
AZƏRTAC xəbər verir ki, aksiyada idarə, müəssisə və təşkilatların kollektivləri, eləcə də rayon sakinləri iştirak etmişlər.
Ümumrayon iməciliyində yenidən qurulmuş, 14 yaşayış məntəqəsini birləşdirən 54 kilometr uzunluğundakı Ağstafa-Poylu-Böyük Kəsik-Sadıqlı avtomobil yolu boyunca təmizlik işləri aparılmış, ağaclara qulluq göstərilmişdir.
İməcilik zamanı şəhərin prospekt və küçələrində, park və xiyabanlarında da səliqə-sahman yaradılmışdır.
Bölmənin digər xəbərləri
