Aİ ölkələrinə COVID-19-la bağlı səyahət məhdudiyyətlərinə dair tövsiyə
Roma, 13 dekabr, AZƏRTAC
Avropa Şurası ittifaqa üzv ölkələrə COVID-19 epidemiyası ilə əlaqədar tətbiq olunan bütün səyahət məhdudiyyətlərini ləğv etməyi tövsiyə edib.
AZƏRTAC xəbər verir ki, Avropa Şurasının yenilənmiş qərarında qadağaların tamamilə ləğv edilməsinin vacibliyi bildirilib.
Qeyd olunub ki, epidemioloji vəziyyət pisləşərsə Avropa İttifaqına üzv dövlətlər koordinasiyalı şəkildə səyahətlər üçün peyvənd, test və karantin öhdəliyi kimi müvafiq tədbirləri yenidən aktivləşdirə bilərlər.
Qeyd edək ki, Avropa İttifaqı ölkələri 2020-ci ilin iyunundan etibarən səyahətlərlə bağlı müxtəlif məhdudiyyətlər tətbiq etməyə bağlayıb. Son dövrlərdə epidemiyanın yüngülləşməsi fonunda bu məhdudiyyətlər demək olar ki, tətbiq edilmirdi.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
