AKADEMİK İQRAR ƏLİYEVİN 80 İLLİK YUBİLEYİNƏ HƏSR EDİLMİŞ KONFRANS KEÇİRİLMİŞDİR
AZƏRTAC-ın müxbiri xəbər verir ki, AMEA-nın prezidenti, akademik Mahmud Kərimov tədbiri açaraq, böyük alimin elmi və elmi-təşkilatçılıq fəaliyyətindən danışmışdır.
Tarix İnstitutunun direktor müavini Cəbi Bəhramov “Elmin zirvələrinə gedən yol” mövzusunda məruzə ilə çıxış edərək akademik İqrar Əliyevin mənalı həyat yolundan, əldə etdiyi dəyərli elmi nailiyyətlərindən, xüsusilə Azərbaycan tarixinin tədqiqindəki müstəsna xidmətlərindən söhbət açmış, onun 200-dən çox elmi məqalənin, 6 monoqrafiyanın müəllifi olduğunu qeyd etmişdir.
AMEA-nın ictimai və humanitar elmlər bölməsinin akademik katibi Ağamusa Axundov, akademiklər Cəmil Quliyev, Tofiq Köçərli, Teymur Bünyadov, təhsil nazirinin müavini İradə Hüseynova, Bakı Dövlət Universitetinin prorektoru, professor İzzət Rüstəmov və başqaları yubilyarı təbrik edərək, ona xoş arzularını çatdırmışlar. Tədbirin iştirakçıları foyedə alimin həyat və fəaliyyətini əks etdirən fotosərgi ilə tanış olmuşlar.
Konfrans bölmə iclaslarında öz işini davam etdirmişdir.
Bölmənin digər xəbərləri
