ALİMLƏR ALMANİYA ƏRAZİSİNDƏ 150 MİLYON İL ƏVVƏL YAŞAMIŞ CIRTDAN DİNOZAVRLARIN QALIQLARINI AŞKAR ETMİŞLƏR
Almaniyada tapılmış otyeyən “mini-dinozavrların” yaxın qohumları kamarazavr sayılmışdır. Lakin bu heyvanların uzunluğu xeyli çox - təxminən 18 metrdir.
Tapılmış “cırtdanları” alimlər avropazavr adlandırmışlar. Tədqiqat qrupunun rəhbəri, paleontoloq Martin Sander demişdir ki, onların ölçülərinin azalmasına “ada cırtdanlığı” amili səbəb olmuşdu. Avropazavrların yaşadıqları Almaniyanın indiki ərazisi dayaz dənizdə kiçik adalardan ibarət olmuşdur. Təbii sərvətlərin məhdudluğu şəraitində bədənin kiçik ölçüsü fauna nümayəndələri üçün üstünlüklərdən biri idi. Doğrudur, avropazavrların adaya necə düşdükləri məlum deyildir. Sander bildirmişdir ki, iki əsas versiya var: ya onların əcdadları buraya dəniz yolu ilə gəlmiş, ya da, suyun səviyyəsinin qalxması nəticəsində dünyadan təcrid olunmuş, təkamül prosesində ölçüləri kiçilmişdir.
Bölmənin digər xəbərləri
