ALMANİYA FUTBOLUNUN VETERANLARI FUTBOL AKADEMİYASINDA OLMUŞLAR
Bakı, 15 may (AZƏRTAC). Ölkəmizdə səfərdə olan Almaniya futbolunun veteranları mayın 15-də Futbol Akademiyasında olmuşlar. AFFA-dan bildirmişlər ki, qonaqlar akademiyanın gənc dinləyicilərinə dünya futbolunun tarixindən, habelə öz idman karyeralarından maraqlı hadisələr danışmışlar. Görüşdən sonra qonaqlar Azərbaycan idmançıları ilə xatirə şəkli çəkdirmiş, avtoqraf paylamışlar.
Xatırladaq ki, mayın 13-də Tofiq Bəhramov adına Respublika Stadionunda Azərbaycan və Almaniya futbol veteranları komandalarının yoldaşlıq görüşü 6:3 hesabı ilə qonaqların xeyrinə başa çatmışdır.
Bölmənin digər xəbərləri
