Alüminium sənayesinə yeni xarici investorların cəlbi müzakirə olunub
Bakı, 31 iyul, AZƏRTAC
“Azərbaycan Sənaye Korporasiyası” ASC-nin Müşahidə Şurasının sədri Natiq Əmirovun sədrliyi ilə Korporasiyanın videokonfrans formatında növbəti iclası keçirilib.
ASC-dən AZƏRTAC-a bildirilib ki, iclasın gündəliyində duran məsələlər Korporasiyanın əsas fəaliyyət istiqamətlərindən biri olan alüminium sənayesinin inkişaf perspektivləri, bu sahəyə yeni xarici investorların cəlbi və qurumun birgə layihələrdə payçı kimi iştirakı, əməkdaşlarının stimullaşdırılması tədbirləri, “Azərbaycan Sənaye Korporasiyası” ASC-nin törəmə cəmiyyətləri olan “ASK Tütün” MMC, eləcə də “ASK Aqro” MMC-nin gələcək fəaliyyət planları olub.
İclasda “Azərbaycan Sənaye Korporasiyası” ASC-nin Baş direktoru Kamran Nəbizadə və digər vəzifəli şəxslərin məruzələri dinlənilib, cari məsələlər müzakirə olunaraq, müvafiq qərarlar qəbul edilib.
Bölmənin digər xəbərləri
