Andrey Sadovoy: Azərbaycanlı sahibkarlar Lvovun turizm platformasından səmərəli istifadə edə bilərlər
Lvov, 12 fevral, AZƏRTAC
Lvov Ukraynanın ən çox turist qəbul edən şəhərlərindən biridir. 2019-cu ildə Lvova 2,5 milyon turist səfər edib.
Bu barədə AZƏRTAC-a məxsusi açıqlamasında Lvov şəhərinin meri Andrey Sadovoy məlumat verib.
Mer deyib ki, 73 mindən çox azərbaycanlı turist Lvov şəhərinə səfər edib. “Lvov şəhəri turizmin müxtəlif sahələrinə iqtisadi yatırımların qoyuluşu üçün əlverişli platformadır. Azərbaycanlı sahibkarlar bu platformadan səmərəli istifadə edə bilərlər”, - deyə o əlavə edib.
Mer qeyd edib ki, Lvovdan olan sahibkarların da Azərbaycana sərmayə yatırımı üçün müxtəlif layihələr üzərində iş gedir.
Emil Hüseynli
AZƏRTAC-ın xüsusi müxbiri
Lvov
Bölmənin digər xəbərləri
