Araz Bağırlı: Mədəni irs dayanıqlı şəhər inkişafının əsas amilidir
Bakı, 21 may, AZƏRTAC
Çox vaxt beynəlxalq müzakirələr yalnız dağıntılara fokuslanır. Halbuki qarşımızdakı əsas sual təkcə itkiləri necə sənədləşdirmək deyil, həm də bərpanı necə mənalı şəkildə həyata keçirməkdir.
AZƏRTAC xəbər verir ki, bunu Mədəniyyət Nazirliyinin sektor müdiri Araz Bağırlı mayın 21-də BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində keçirilən "Secure Model-Münaqişədən sonrakı şəhərlərin davamlı və gücləndirici mədəni canlanması" adlı panel sessiyada çıxışı zamanı deyib.
“Biz “bərpa” mərhələsindən “dirçəliş” mərhələsinə necə keçə bilərik? Mədəni irsi böhranlardan sonra yalnız qorunmalı dəyər kimi deyil, həm də dayanıqlılığı, insan ləyaqətini və davamlı şəhər inkişafını gücləndirən əsas amil kimi necə inkişaf etdirə bilərik? “Secure” təşəbbüsü məhz bu məqsədə xidmət edir”, - deyə o vurğulayıb.
Araz Bağırlı diqqətə çatdırıb ki, böhran sonrası mədəni bərpa sahəsində uzunmüddətli təcrübəyə əsaslanan və Dayanıqlı İnkişaf Məqsədinə, UNESCO çərçivələrinə və daha geniş beynəlxalq dayanıqlılıq gündəliyinə uyğunlaşdırılan bu təşəbbüs mədəni dirçəliş üçün qlobal əməkdaşlıq modeli kimi nəzərdə tutulur", - deyə o qeyd edib.
Bölmənin digər xəbərləri
