“ARAZ” FUTZAL KOMANDASI NÖVBƏTİ MƏRHƏLƏYƏ VƏSİQƏ QAZANA BİLMƏMİŞDİR
AZƏRTAC xəbər verir ki, sentyabrın 13-də Bakı İdman Sarayında futzal üzrə UEFA Kubokunun əsas mərhələsi çərçivəsində son turda Azərbaycanın “Araz” komandası Slovakiyanın “Slov-Matik” klubunu qəbul etmişdir.
“Araz” komandasının üstünlüyü ilə keçən oyunda futzalçılarımız ilk olaraq rəqib qapısına yol tapsalar da, slovakiyalılar tezliklə hesabı bərabərləşdirə bilmişlər. Komandalar fasiləyə 1:1 hesabı ilə yollanmışlar.
Qarşılaşmanın ikinci hissəsində isə 4:3 hesablı qələbə ilə rəqib komanda növbəti mərhələyə vəsiqə qazanmışdır.
Azərbaycanın “Araz” komandasının bu görüşdə qələbə qazana bilməməsi futzalçılarımızın novbəti tura vəsiqə qazanmasının qarşısını almışdır.
“Luparense” (İtaliya)-“Kamelot” (Moldova) komandalarının görüşündə isə italyanlar bütün görüşlərdə olduğu kimi, bu dəfə də üstünlüyü əldən verməmiş və rəqibi 8:0 hesabı ilə məğlub etmişlər. Qazandığı qələbələr nəticəsində İtaliyanın “Luparense” komandası UEFA Kubokunun əsas mərhələsi çərçivəsində keçiriləcək növbəti oyunlara vəsiqə qazanmışdır.
Bölmənin digər xəbərləri
