“ARAZ” FUTZAL KOMANDASI RƏQİBİNİ BÖYÜK HESABLA MƏĞLUB ETMİŞDİR
AZƏRTAC xəbər verir ki, sentyabrın 11-də Bakı İdman Sarayında futzal üzrə UEFA Kubokunun əsas mərhələsi çərçivəsində Azərbaycanın “Araz” komandası Moldovanın “Kamelot” klubu ilə qarşılaşmışdır.
“Araz” komandasının üstünlüyü ilə keçən oyunda futzalçılarımız fasiləyə 1:0 hesablı qələbə ilə yollanmışlar. Qarşılaşmanın ikinci hissəsində də oyunçularımız rəqib komandaya göz açmağa imkan verməmiş, hesabı 4:0-a çatdırmışlar. Moldovalılar isə vurulan toplardan yalnız birinin əvəzini çıxa bilmişlər.
“Slov-Matik” (Slovakiya) - “Luparense” (İtaliya) komandalarının qarşılaşmasında isə italyanlar 1:0 hesabı ilə qalib gəlmişlər.
“Araz” futzal komandası sentyabrın 13-də son görüşünü Slovakiyanın “Slov-Matik” komandasına qarşı keçirəcəkdir.
UEFA Kubokunun əsas mərhələsi çərçivəsində digər qarşılaşmalar “Luparense” (İtaliya) - “Kamelot” (Moldova) komandaları arasında olacaqdır.
Bölmənin digər xəbərləri
