Astarada “Təmiz hava aylığı” çərçivəsində növbəti reyd keçirilmişdir
Astara, 10 avqust (AZƏRTAC). Avqustun 10-da Astara rayonunda “Təmiz hava aylığı” çərçivəsində növbəti reyd keçirilmişdir.
AZƏRTAC xəbər verir ki, Ekologiya və Təbii Sərvətlər Nazirliyinin 1 saylı ərazi idarəsi ilə Astara Rayon Polis Şöbəsinin Dövlət Yol Polisi Bölməsi əməkdaşlarının birgə iştirakı ilə keçirilən reyd zamanı 70-ə yaxın avtonəqliyyat vasitəsi saxlanılmışdır.
Havaya atılan dəm qazı normadan artıq olduğu üçün 30 avtonəqliyyat vasitəsinin sahibləri barəsində qanuna müvafiq qaydada inzibati protokol tərtib edilmişdir.
Reyd zamanı, həmçinin sürücülük vəsiqəsi olmadan avtonəqliyyat vasitəsini idarə edən üç sürücü saxlanılmış və onların idarə etdikləri avtomaşınlar cərimə meydançasına gətirilmişdir.
Avtomobilini texniki baxışdan keçirməyən üç sürücü barəsində isə cərimə protokolu tərtib edilmişdir.
Bölmənin digər xəbərləri
