Astronomlar yeni ekzoplanet kəşf ediblər
Bakı, 27 iyun, AZƏRTAC
Beynəlxalq astronomlar qrupu yeni mini-Neptun ekzoplanetinin kəşf edildiyini açıqlayıblar.
AZƏRTAC xarici KİV-lərə istinadla xəbər verir ki, kosmik cisim Günəşin yaxınlığında yerləşən ulduzun ətrafında fırlanır.
Kəşf edilən TOI-2018 b planeti Yerdən 91,4 işıq ili uzaqlıqda yerləşir. TOI-2018 b öz ulduzu ətrafında 7,44 gündən bir dövr edir.
Kəşf TESS kosmik gəmisi vasitəsilə həyata keçirilib.
Bundan əlavə, elm adamları eyni ulduzun ətrafında başqa bir obyektin hərəkət etdiyini, onun da Yerdən təxminən 50 faiz böyük ekzoplanet ola biləcəyini düşünürlər. Bununla belə, ikinci kosmik cismin planet statusunu təsdiqləmək üçün əlavə tədqiqatlara ehtiyac var.
Bölmənin digər xəbərləri
