“AtaTravel” tələbələr üçün “Karyerada planlaşdırma” mövzusunda təlim keçirəcəkdir
Bakı, 12 may (AZƏRTAC). Mayın 24-də “AtaTravel” MMC turizm sahəsində təhsil alan ali təhsil müəssisələrinin 4-cü kurs tələbələri üçün “Karyerada planlaşdırma” mövzusunda təlim keçirəcəkdir.
MMC-dən AZƏRTAC-a bildirmişlər ki, təlimdə iştirak etmək istəyən tələbələr CV-lərini və tələbə kitabçalarının surətini [email protected] ünvanına göndərə bilərlər. Təlimdə tələbələrə CV-nin düzgün yazılması, onların iş axtarma bacarıqlarının inkişaf etdirilməsi, karyeranın qurulması mövzusunda ətraflı məlumat veriləcəkdir.
“AtaTravel” MMC-nin baş direktoru Vüsal Əliyev qeyd etmişdir ki, təlimin məqsədi turizm sahəsində təhsil alan tələbələrin gələcəkdə işə düzəlməsinə kömək etməkdir.
Təlim Korporativ Sosial Məsuliyyət çərçivəsində keçiriləcəkdir.
Bölmənin digər xəbərləri
