Atçılığın konkur növü üzrə “Polad kuboku” başa çatıb
Bakı, 24 mart, AZƏRTAC
Atçılığı konkur növü üzrə keçirilən “Polad kuboku”na yekun vurulub.
AZƏRTAC xəbər verir ki, Binə Atçılıq Mərkəzinin açıq manejində baş tutan turnirin sonuncu günündə çaparlar “S*” kateqoriyası üzrə mübarizə aparıblar. Turnirdə 130-140 santimetr hündürlüyündə maneələr üzrə yarışda birinci yerin “Polad” kubokunun qalibi “Sərhədçi” klubunun idmançısı Seyid Musayev olub. O, yarışda “Cissy” ləqəbli atla iştirak edib. İkinci yerə “Cera 59” ləqəbli atla “Elite Horse and Polo Club”un idmançısı Elmar Abdullayev yüksəlib. Bürünc medala isə “AFP S Chantal 261” ləqəbli atla “Omar” Klubunun idmançısı Ələkbər Məmmədov layiq görülüb.
Qeyd edək ki, turnirin ümumi mükafat fondu 5 min manat təşkil edib.
Bölmənin digər xəbərləri
